fbpx
Image

Blog

Pin It

 
 
काठमाडौं । छाँया सेन्टरले पछिल्लो समय आफुलाई विना गल्ती नियोजित रुपका आक्रमण गर्ने काम भइरहेको जानकारी दिएको छ । पछिल्लो समय छाँया सेन्टर निर्माण भएको जग्गाको विषयमा किचलो आएसँगै सो विषयमा आफुमाथी विना आधार नियोजित रुपमा आक्रमण भइरहेको जानकारी दिएको हो ।

पर्यटकीय गन्तव्य ठमेलमा केही समय अघि सञ्चालनमा ल्याइएको छाँयादेवी कम्प्लेक्स अर्थात छाँया सेन्टरलाई अहिले गलत प्रचार गरेको भन्दै सेन्टरका प्रबन्ध निर्देशक महेश्वर श्रेष्ठले लगानीकर्तालाई आतंकित पार्न खोजिएको बताएका छन । तीन दर्जन बढी स्वदेशी लगानीकर्ताको साढे ५ अर्ब रुपैयाँ भन्दा बढी लगानीमा सेन्टर निर्माण सम्पन्न भई गत डिसेम्बर २५ देखि औपचारिक रुपमा सञ्चालनमा आएको थियो ।

ठुलो लगानीमा सञ्चालनमा आएकै कारण छाँया सेन्टरलाई स्वार्थका साथ नकरात्मक प्रचारको केन्द्र बनाएको श्रेष्ठको दावी थियो । ‘ठमेल भित्रको ठमेलका रुपमा आएको ठुलो योजनामा केही व्यक्तिको स्वार्थले अहिले गलत प्रचारलाई तिब्र पारिएको छ,’ उनले भने, ‘पैसा तिरेर खरिद गरेको जग्गामा प्रोजेक्ट अघि बढाउँदा पनि हामीलाई नै किन तारो बनाइरहेको छ ।’

निजी क्षेत्रबाट बनेका ठुला पुर्वाधारहरु निर्माण सम्पन्न भए पछि गलत प्रचार गर्नेमा छाँया सेन्टरमात्रै नभई अन्य ठुला अनि फरक प्रकृतिका आयोजनाहरु समेत रहेको श्रेष्ठको दावी थियो ।

‘सरकारी निकायबाट पुरा गर्नु पर्ने सबै प्रकृया सकेर निर्माण गरिएको छाँया सेन्टरलाई एकाएक किन आक्रमण गरिँदैछ ? जग्गा किनेको ६ वर्ष पछि कम्प्लेक्स निर्माणको काम थाल्नु पहिले अहिले हल्ला गर्नेहरु किन मौन बसे ? हामीले २ वर्ष लगाएर वातावरणीय प्रभाव मुल्यांकन तथा सार्वजनिक सुनुवाई समेत गरेर साँधसँधियारसँग सम्झौता गरी निर्माण थालिएको आयोजनालाई अहिले धारे हात लगाइनु आश्चर्यको विषय बनेको श्रेष्ठले जानकारी दिएका छन ।’

काठमाण्डौं महानगरपालिकाले २०६९ असोज ११ गते छाँयादेवी कम्प्लेक्सको डिपिसीसम्मको नक्सा पास गरेको थियो । साथै कम्प्लेक्स निर्माणका लागि सार्वजनिक सुनुवाई भएकोमा कसैबाट पनि त्यस बेला विवाददास्पद विषय निकालेका थिएनन् । सोही वर्षको असोज ३१ गते महानगरपालिकाले कम्प्लेक्सलाई स्थायी नक्सापास गरिदिएको थियो ।

‘२०७५ कात्तिक ८ गते काठमाण्डौं महानगरपालिकाले छाँयादेवी कम्प्लेक्सलाई भवन निर्माण सम्पन्नको प्रमाणपत्र दियो, त्यस पछि अरु प्रोजेक्टमा दुख दिनेहरुजस्तै अहिले छाँया सेन्टरमा सलबलाई रहेका छन् । हैन भने स्वार्थमा बस्नेहरु छाँया सेन्टर सञ्चालनमा आउनु पहिले कहाँ थियो ।
 
 
 
 
 

Pin It

 
काठमाडौँ : ठमेलस्थित छायाँ सेन्टरले कुनै किसिमको गैरकानुनी काम नगरेको जनाएको छ । सेन्टरका सञ्चालकले मंगलबार एक पत्रकार सम्मेलन गर्दै लगानी सम्मेलनको तयारी चल्दै गर्दा मुलुकभित्रकै लगानीको सुरक्षामा गम्भीर प्रश्न उठेको दाबी गरेका छन् । 

स्वदेशी लगानीका पुर्वाधार र आयोजनामा केही स्वार्थीहरुको आक्रमणले असुरक्षा बढेको जनाउँदै निजी लगानीको सुरक्षाको प्रत्याभुत नभएसम्म विदेशी लगानी भित्र्याउन कठिन हुने छाँया सेन्टरले जनाएको छ । 

सेन्टरले राज्यको कानुनको अधिनमा रहेर गरिएको अर्बौं रुपैयाँको लगानीमा नियोजित आक्रमण थालिएको दाबी गरेको छ । पर्यटकीय गन्तव्य ठमेलमा सञ्चालनमा ल्याइएको छाँयादेवी कम्प्लेक्स अर्थात छाँयाँ सेन्टरलाई गलत प्रचारको शिकार बनाउन खोजिएको सञ्चालकको भनाइ छ । तीन दर्जन बढी स्वदेशी लगानीकर्ताको साढे पाँच अर्ब बढी लगानीमा सेन्टर डिसेम्बर २५ सञ्चालनमा आएको थियो । 

ठुलो लगानीमा सञ्चालनमा आएकै कारण छायाँ सेन्टरमाथि आक्रमण गर्न थालिएको छायाँ सेन्टरका प्रबन्ध निर्देशक महेश्वर श्रेष्ठले बताए । ‘ठमेल भित्रको ठमेलका रुपमा आएको ठुलो योजनामा केही व्यक्तिको स्वार्थले अहिले आक्रमण प्रयास भएको छ’, श्रेष्ठले भने, ‘पैसा तिरेर जग्गा किनेर प्रोजेक्ट अघि बढाउँदा हामीलाई किन तारो बनाइँदैछ भन्ने कुरा यसअघिका केही आयोजनामा भएको घटनाक्रमले पुष्टि गर्छ ।’ 

छायाँ सेन्टरले सरकारी निकायबाट तोकिएका सबै कानुनी प्रक्रिया पुरा गरेर नै निर्माण गरिएको जनाएको छ । ‘सरकारी निकायबाट पुरा गर्नु पर्ने सबै प्रकृया सकेर निर्माण गरिएको छायाँ सेन्टरलाई एकाएक किन आक्रमण गरिँदैछ ? जग्गा किनेको ६ वर्षपछि कम्प्लेक्स निर्माणको काम थाल्नु पहिले किन प्रश्न गरिएन ? हामीले २ वर्ष लगाएर वातावरणीय प्रभाव मुल्यांकन तथा सार्वजनिक सुनुवाई गरेर छिमेकी तथा साँधसँधियारसँग सम्झौता गरी निर्माण थालिएको आयोजनामाथि अहिले प्रश्न उठाउनु आश्चर्यको विषय बनेको छ’, श्रेष्ठले भने ।


काठमाडौं महानगरपालिका वडा नम्बर २९ मा रहेका कित्ता नम्बर १६१८ को ९ रोपनी १३ आना २ पैसा २ दाम, कित्ता नम्बर १०४० को ९ आना २ पैसा ३ दाम, कित्ता नम्बर १६१६ को २ रोपनी १० आना र कित्ता नम्बर १६१७ को ६ आना जग्गा जग्गा सिंह सार्थ गरुड भगवान बहाल गुठीबाट विभिन्न व्यक्ति हुँदै अम्बिका राणको नाममा नामसारी रैतानी दर्ता भएको दाबी छायाँ सेन्टरले जनाएको छ ।


साविकको कित्ता नम्बर १६७ को २६ रोपनी ८ आना जग्गामध्ये माथि उल्लेखित जग्गाहरु अम्बिका राणको नाममा मोही दर्ता भइ भोग तिरो रहेको जग्गाका रुपमा छायाँ सेन्टर रहेको सञ्चाकले बताएका छन् । उक्त जग्गा केशर शमशेरको नाममा मोही जनाइएको छ । 

सञ्चालकका अनुसार मोही केशर शमशेरले उल्लेखित जग्गामा पर्खाल लगाएर आफ्नो परिसर भित्र पारेका थिए । यो विषयलाई गुठीको जग्गा खिचोला गरेको भनी फिराद परेपछि २०३० बैशाख २५ गते काठमाडौं जिल्ला अदालतले उक्त फिराद खारेज गर्ने फैसला गरेको पत्रकार सम्मेलनमा जानकारी दिइयो । 

जिल्ला अदालतको फिराद खारेजीको उक्त फैसलामा पुनरावेदन परेपछि २०३१ असोज २५ गते काठमाडौं जिल्ला अदालतले पहिलेकै फैसलालाई सदर गर्दै पुनरावेदनको अनुमति पाएर सर्वोच्च अदालतमा २०३३ पुस ३ गते केयुर शमशेर मोही भई भोगचलन गरी खान पाउने गरी भगवान गुठीका तर्फबाट सबै दाबी छाडेर मिलापत्र भएको छायाँ सेन्टर सञ्चालकको भनाइ छ ।

Content Online Link: http://annapurnapost.com/news/120916

Pin It

 

काठमाडौंमा सञ्चालनमा आएको मुलुककै ठूलो र आधुनिक मानिएको व्यापारिक कम्प्लेक्स, छायाँ सेन्टरका सञ्चालकहरुले व्यवसायीले जोखिम मोलेर गरेको लगानीको सुरक्षामाथि गम्भीर प्रश्नचिन्ह खडा भएको बताएका छन् ।

मंगलबार आयोजित पत्रकार सम्मेलनमा उनीहरुले देशभित्रकै निजी लगानीलाई सुरक्षाको प्रत्याभूति नभए विदेशी लगानी भित्र्याउन थप कठिन हुने गुनासो समेत गरे ।

पर्यटकीय गन्तव्य ठमेलमा करिब ६ बर्ष लगाएर निर्माण भएको बहुउद्धेश्यीय छायाँ सेन्टर दुइ महिनाअघि मात्र सञ्चालनमा आएको हो । सेन्टरमा २०० वटा पसल, २०० कोठासहितको पाँचतारे होटल, तीनवटा सिनेमा हल, फूडकोर्ट, ब्यांक्वेट हल, कन्फ्रेन्स हल, २०० भन्दा बढी गाडी पार्किंग गर्न सकिने स्थल लगायतका सुविधा छन् ।

सञ्चालकहरुको दाबीअनुसार मिनि ठमेल भनिएको यो सेन्टर विदेशी पर्यटकलाई आकर्षित गर्ने उद्धेश्यले बनाइएको हो । अहिलेसम्म रु.५ अर्ब लगानी भइसकेको र निर्माण सम्पन्न हुँदासम्म साढे पाँच अर्ब लगानी पुग्ने सञ्चालकहरुको दाबी छ । 

तर, सञ्चालनमा आएलगत्तै अर्बौं लगानी गरिएको सेन्टरमाथि नियोजित आक्रमण शुरु गरिएको भन्दै सञ्चालकहरुले गम्भीर चिन्ता व्यक्त गरेका छन् । 

पत्रकार सम्मेलनमा सेन्टरका सञ्चालकमध्येका सुमन पाण्डेले सरकारी कागजात र अदालतका निर्णयमा विश्वास गरेर निर्धारित विधि र प्रक्रियाअनुसार गरिएको लगानीमाथि रहस्यमय तरिकाले आक्रमण भइरहेको दाबी गरे । 

ठमेलको १२ रोपनी ११ आना जग्गामा सेन्टर निर्माण भएपछि एक समूहले सो ठाउँमा पहिले सार्वजनिक पोखरी रहेको, त्यसको स्वामित्व गुठीमा रहेको र पोखरी कब्जा गरेर सेन्टर निर्माण गरिएको भन्दै विरोध गरिरहेको छ । यससम्बन्धी विवाद अहिले सर्वोच्च अदालतमा विचाराधीन छ । 

सेन्टरका प्रबन्ध निर्देशक महेश्वर श्रेष्ठले त्यो ठाउँमा पहिले पोखरी रहेको र त्यसको स्वामित्व गुठीको रहेकोमा कुनै विवाद नरहेको भन्दै गुठीबाट रैतान भएर व्यक्तिको नाममा नामसारी भइसकेको जग्गा किनेर यो प्रोजेक्ट शुरु गरिएको बताए ।

जग्गा किनिसकेपछि वातावरणीय प्रभाव मूल्यांकन, सँधियारको सहमति लिन र महानगरपालिकाबाट नक्सापास गर्न ६ बर्ष लागेको, त्यतिञ्जेलसम्म कसैले पनि यसको विरोध नगरेको र निर्माण भइसकेपछि विरोध हुनु रहस्यमय भएको बताए ।

अदालतको निर्णयअनुसार र निर्धारित कानूनी प्रक्रिया पुरा गरेर गरिएको लगानी संकटमा पार्ने प्रयास भइरहेको दाबी समेत उनले गरे ।

 
 
 

Pin It

 
काठमाडौं। पाँचौ पटकको किनबेचपछि जमीन आफूहरुको स्वामित्व आएको भन्दै छायाँदेवी कम्प्लेक्स प्रालिले छायाँ सेन्टर निर्माण गर्दा पुरातात्विक क्षेत्रमा अतिक्रमण नगरेको दावी गरेको छ।

पाँच अर्ब रुपैयाँ लगानीमा तीन महिना अघिदेखि यो कम्प्लेक्स आंशिक रुपमा संचालनमा आएको हो। कम्प्लेक्स निर्माण सकिएर संचालनमा आएपछि गुठीको जग्गा मिचेको भन्दै विवाद सुरु भएको थियो। कम्प्लेक्समा बैंकर पृथ्वीबहादुर पाँडे,  महेश्वर श्रेष्ठ र सुमन पाँडे लगायत समूहको लगानी छ। निर्माण पूरा भएर काठमाडौं महानगरपालिकाले भवन निर्माण सम्पन्नको प्रमाणपत्र दिइसकेपछि विवादमा ल्याइएको कम्पनीको दावी छ।
 


'जब ०७५ कात्तिक आठ गते काठमाडौं महानगरपालिकाले छायाँदेवी कम्प्लेक्सलाई भवन निर्माण सम्पन्नको प्रमाणपत्र दियो त्यसपछि अरु प्रोजेक्टमा जस्तै दुःख दिने गिरोह सल्बलाउन थाले,' जग्गा खरीद गरेर कम्प्लेक्स निर्माण अध्ययनका लागि एक वर्ष समय खर्चेका छौं,’ कम्पनीका प्रवन्ध निर्देशक महेश्वर श्रेष्ठले मंगलबार आयोजित पत्रकार सम्मेलनमा भने, 'होइन भने स्वार्थमा बस्नेहरु छायाँ सेन्टर सञ्चालनमा आउनु पहिला कहाँ निदाएका थिए?'

मल्टिप्लेक्ससहित रेस्टुराँहरु र पसलहरु संचालनमा आइसकेको कम्प्लेक्समा पाँचतारे होटल निर्माण अन्तिम चरणमा छ। यो समूहले जग्गा किन्नुपूर्व चार पटक जग्गाको स्वामित्व हस्तान्तरण भइसकेको थियो। कम्प्लेक्स निर्माण गर्नुभन्दा दुई वर्ष अघिनै वातावरणीय प्रभाव मूल्याङ्कन र सार्वजनिक सुनुवाई हुँदा कुनै विवाद नआएको श्रेष्ठको दावी छ।

उनका अनुसार छिमेकी तथा स्थानीयसँग सम्झौता गरेर निर्माणको थालनी गरिएको थियो।‘जतिखेर निर्माण थालिएको थियो, त्यतिखेर यहाँ कुनै पुरातत्वसँग जोडिएको संरचना थिएन। भवनको पश्चिममा रहेको ठूलो छायाँदेवीकै परिसरभित्र रहेको ठूलो पिपलको रुखलाई भने यो संरचना तयार गर्दा जोगाइएको थियो,’ उनले भने।

कम्प्लेक्स निर्माण सुरुभएपछि चन्दा माग्ने समूहले दु:ख दिएको श्रेष्ठले बताए। 'कानुनअनुसार निर्माण सम्पन्न भइसकेको र राज्यलाई करोडौं रुपैयाँ राजस्व तिरेर हामीले जग्गा किनेका हौँ,' उनले प्रश्न गर्दै भने, 'हामी प्रश्न गर्छौँ कि हाम्रो गल्ती कहाँ भयो?'पाँच तारे होटल अलफ्ट पनि रहेको कम्पलेक्समा तीन वटा मल्टिप्लेक्स थियटर, एयरलाइन्स, ट्राभल एजेन्सी, ब्याङकेट हल, सेमिनार हल, रिसेप्सन हल, रेष्टुरेन्ट, क्लबका साथै बैंकका शाखा, कर्पोरेट कम्पनीका कार्यालय छन्।

१५ रोपनी क्षेत्रफलमा फैलिएको कम्प्लेक्समा तीन सय भन्दा बढी गाडी पार्किङ गर्न सकिने छायाँ सेन्टरले जनाएको छ।
 
 

Pin It

 

 

Chhaya Center would like to thank everyone for attending our Grand Opening and Ribbon Cutting Ceremony on December 25, 2018 at Thamel, Kathmandu. Seeing each of you there and having so much support made the event successful and memorable.

Our thanks and appreciation go out to the special guest, member of parliament honorable Mr. Yogesh Bhattarai. We also would like to thank our other guests who shared the time with us: all of our clients, partners, friends and neighbors.

Thank you to everyone who participated!

It’s great to be in Chhaya Center!

We hope you enjoyed your visit as much as we enjoyed having you here.

Page 6 of 6